الحمد لله .. طلعلي بلونة بعد 1400 كيلو :( افيدوني

السلام عليكم ورحمة لله وبركاتة


الحمد لله الذي لا يحمد على مكروه سواه ..

امبارح لبست حفرة بسبب شوارع جده اللى زي الفل في طلعة كوبري وكنت ماشي على 80

المهم النهاردة الصبح وانا رايح الشغل ببص على الكاوتش لقيت بالوووونة كبيييييييرة ( قدام يمين ) طولها حوالى 10 سم


دلوقتى عايز اعرف اية التصرف الصحيح ..؟؟؟

طبعا انا شاريها وكيل ( الجبر للسيارات ) وفي ضمان 5 سنين .. هل الضمان هيغطي تغيير الكاوتش ؟؟

ولا هيقولى عيب استخدام ..؟

انا رحت توكيل برجستون سألته قالى لازم يتغير .. طب بكام ياعم ؟؟

720 ريال = 1100 جنية كل دة والعربية بقالها عشرين يوم معايا :( بس الحمد لله طبعا وكان ممكن يحصل اكتر من كده


ياريت يارجالة تنصحوني اعمل ايه .. وخايف يكون حاجة اتعوجت تحت فى المقصات او كده

ان شاء الله مفيش حاجة فى العربية
لكن بالنسبة للبلونة رجع الفردة ورا وهات فردة من ورا مكانها
دا حل مؤقت لحد ما تجيب واحدة تانية
او اعملها استبن وركب الاستبن مكانها

الضمان يشمل اول 3 شهور للأطارات او 3000 ك ايهما اقرب و بالتالي من حقك تغيير الاطارات في الضمان

لازم تغير الفردة لان دى كدة ماتت خلاص و ممكن فى اى لحظة تفرقع خصوصا لو الجو بقى حر او مع سرعة عالية او مع مطب تانى

انا معرفش ايه نظام الضمان عندكم بس الحالة اللى بتتكلم فيها دى عيب استخدام مش عيب صناعة بالتالى المفروض الضمان ميغطيش الموضوع دة

MMamdouh

اقتباس:

---

المشاركة الأصلية كتبت بواسطة elpasha1

ان شاء الله مفيش حاجة فى العربية
لكن بالنسبة للبلونة رجع الفردة ورا وهات فردة من ورا مكانها
دا حل مؤقت لحد ما تجيب واحدة تانية
او اعملها استبن وركب الاستبن مكانها

---

انا فعلا شكلى هرجعها ورا .. لاني صعبان عليا اركب الاستبن بعد عشرين يوم

اقتباس:

---

المشاركة الأصلية كتبت بواسطة arakysolom

الضمان يشمل اول 3 شهور للأطارات او 3000 ك ايهما اقرب و بالتالي من حقك تغيير الاطارات في الضمان

---

ربنا يبشرك ياباشا .. انا يوم السبت بروح التوكيل ان شاء الله وربك يسهل

اقتباس:

---

المشاركة الأصلية كتبت بواسطة mmamdouh

لازم تغير الفردة لان دى كدة ماتت خلاص و ممكن فى اى لحظة تفرقع خصوصا لو الجو بقى حر او مع سرعة عالية او مع مطب تانى

انا معرفش ايه نظام الضمان عندكم بس الحالة اللى بتتكلم فيها دى عيب استخدام مش عيب صناعة بالتالى المفروض الضمان ميغطيش الموضوع دة

mmamdouh

---

انا هرجعها ورا مؤقتا لحد ما اروح التوكيل واشوف رأيهم ايه .. بس اازاى اقدر اعرف اذا كان فى حاجة اتعوجت تحت او كده . انا خبرتى قليلة يعنى فى الحوار دة

بعد ما تركب العجلة الجديدة شوف العربية بتحدف و انت ماشى على طريق مستقيم ولا لا... و شوف لو فيه اصوات خبط و شخللة و انت ماشى ولا لا

لو مفيش اى حاجة من الحاجات دى يبقى مفيش مشاكل ان شاء الله

MMamdouh

انا كمان ان شاء الله رايح الجبر يوم السبت عشان اخد سيراتو بس انا في الدمام
ابقي طمنا عملت ايه يوم السبت

اقتباس:

---

المشاركة الأصلية كتبت بواسطة msco

السلام عليكم ورحمة لله وبركاتة

الحمد لله الذي لا يحمد على مكروه سواه ..

امبارح لبست حفرة بسبب شوارع جده اللى زي الفل في طلعة كوبري وكنت ماشي على 80

المهم النهاردة الصبح وانا رايح الشغل ببص على الكاوتش لقيت بالوووونة كبيييييييرة ( قدام يمين ) طولها حوالى 10 سم

دلوقتى عايز اعرف اية التصرف الصحيح ..؟؟؟

طبعا انا شاريها وكيل ( الجبر للسيارات ) وفي ضمان 5 سنين .. هل الضمان هيغطي تغيير الكاوتش ؟؟

ولا هيقولى عيب استخدام ..؟

انا رحت توكيل برجستون سألته قالى لازم يتغير .. طب بكام ياعم ؟؟

720 ريال = 1100 جنية كل دة والعربية بقالها عشرين يوم معايا :( بس الحمد لله طبعا وكان ممكن يحصل اكتر من كده

ياريت يارجالة تنصحوني اعمل ايه .. وخايف يكون حاجة اتعوجت تحت فى المقصات او كده

---

هوا شوارع جده وحشه ياباشا؟
امال اللي عندنا دي اسمها ايه
وبعدين فرده كاوتش ايه اللي ب1100 جنيه
ليه ماركتها ايه
سبحان الذي لا يحمد علي مكروه سواه

اقتباس:

---

المشاركة الأصلية كتبت بواسطة mmamdouh

بعد ما تركب العجلة الجديدة شوف العربية بتحدف و انت ماشى على طريق مستقيم ولا لا... و شوف لو فيه اصوات خبط و شخلله و انت ماشى ولا لا

لو مفيش اى حاجة من الحاجات دى يبقى مفيش مشاكل ان شاء الله

mmamdouh

---

شكرا ليك ياباشا .. مع انى من يوم ما طلعتها وانا حاسس ان فيها حدفة شمال خفيفة ..بس ربنا يستر

اقتباس:

---

المشاركة الأصلية كتبت بواسطة hi_nmr

انا كمان ان شاء الله رايح الجبر يوم السبت عشان اخد سيراتو بس انا في الدمام
ابقي طمنا عملت ايه يوم السبت

---

ربنا يباركلك ياباشا ان شاء الله ويعطيك خيرها ويكفيك شرها ..

اقتباس:

---

المشاركة الأصلية كتبت بواسطة funnymickey

هوا شوارع جده وحشه ياباشا؟
امال اللي عندنا دي اسمها ايه
وبعدين فرده كاوتش ايه اللي ب1100 جنيه
ليه ماركتها ايه
سبحان الذي لا يحمد علي مكروه سواه

---

شوارع جدة وما ادراك بشوارع جدة ياباشا .. انا اتصدمت صدمة السنين اول لما جيت هنا .. صدقني ياباشا اسوء شارع فى مصر احسن من هنا ومفيش شارع فى جدة مفيهوش عشرين حفرة مرا بعض

طب تصدق بالله انى مش بعدي سرعة 60 ابدا عشان الحق افادي الحفر اللى بتطلع من العدم واول لما شفت طريق نضيف واغرانى وجبت ال 80 .. نزلت فى الحفرة اللى طلعتلى البالونة دي

والفردة دي ياسيدي برجستون ياباني دة حتى مفيش عليها خصم 1%

الحمد لله على كل حال

اه فعلا الكوتشات هنا في السعوديه وخصوصا بردجستون غالي جدا
بتتباع الفرده الواحده ب 600 ريال علي الاقل
بس ايه ياباني ياباني
تقريبا عليه ضمان سنتين

الوكيل رفض يغير الكوتش ياجماعة .. وقالى دة عيب استخدام انت نزلت فى حفرة .. لانه كشف على الكاوتش ولقى لونة متغير من جوا

المهم دلوقتى تنصحونى بأيه

ناس قالتلى جيب الفردة اللى ورا قدام وامشي عليها وكبر مخك .. وناس قالتلى حط الاستبن لان الاستبن عمرة ما هيفضل جديد ولو فضلت عاينة مش هتستخدمة هينشف مع مرور الوقت والحرارة العالية فى البلد هنا

وانا صعبان عليا اركب الاسبتن والعربية لسة مكملتش شهر وسالت على فردة الكاوتش الجديدة ب 400 ريال اللى هي كومهو

دلوقتى بقى تنصحوونى باييييييييييييييييييه

1- اركب الاستبن
2- اجيب الفردة اللى ورا قدام وتستحمل اد اية ؟
3- اشترى فردة جديدة واركبها وخلاص



وفي التلات حالات اللى فوق دول هل هيحتاج الجنط ترصيص ولا مش هيحتاااااااج

هوا حضرتك مينفعش تشتري من هنا في مصر فرده كاوتش وتتبعتلك ؟
ولا بردو فيه جمارك وبتاع

معرفش ياباشا بصراحة حوار الجمارك .. بس هتتبعتلى ازاى ... دة غير انى كده هخلى الناس تتريأ عليا

ما البلد مليانة كاوتش وعلى كل نوع .. ممكن اغلى شوية بس ميخلنيش اجيبة من مصر ابدا

ومتشكر لحضرتك على ردك

اقتباس:

---

المشاركة الأصلية كتبت بواسطة msco

الوكيل رفض يغير الكوتش ياجماعة .. وقالى دة عيب استخدام انت نزلت فى حفرة .. لانه كشف على الكاوتش ولقى لونة متغير من جوا

المهم دلوقتى تنصحونى بأيه

ناس قالتلى جيب الفردة اللى ورا قدام وامشي عليها وكبر مخك .. وناس قالتلى حط الاستبن لان الاستبن عمرة ما هيفضل جديد ولو فضلت عاينة مش هتستخدمة هينشف مع مرور الوقت والحرارة العالية فى البلد هنا

وانا صعبان عليا اركب الاسبتن والعربية لسة مكملتش شهر وسالت على فردة الكاوتش الجديدة ب 400 ريال اللى هي كومهو

دلوقتى بقى تنصحوونى باييييييييييييييييييه

1- اركب الاستبن
2- اجيب الفردة اللى ورا قدام وتستحمل اد اية ؟
3- اشترى فردة جديدة واركبها وخلاص



وفي التلات حالات اللى فوق دول هل هيحتاج الجنط ترصيص ولا مش هيحتاااااااج

---

هى مش حاجة عيب انك تركب الستبن... مهو الاستبن فردة كاوتش و الغرض منها انك تركبها و تستعملها

و اللى قالك ركب الفردة ورا و امشى عليها دى ناس عايزة توديك فى داهية... الفردة دى تلفت و غير صالحة للاستخدام

اشترى فردة جديدة و ركبها... معتقدش ان تمن الفردة اغلى من حياتك

MMamdouh

انا مع الرأي انك تشتري فردة جديدة

و عايز اقول لك معلومة بسيطة
مؤخرا واحد قريب المدام و واحد اخو زميلي في الشغل , كل واحد فيهم اتقلبت بيه عربيته بسبب انفجار كاوتش قديم (و ليس معيوب)

ركب الاستبن لحد ما ربنا يفرجها

اقتباس:

---

المشاركة الأصلية كتبت بواسطة mmamdouh

هى مش حاجة عيب انك تركب الستبن... مهو الاستبن فردة كاوتش و الغرض منها انك تركبها و تستعملها

و اللى قالك ركب الفردة ورا و امشى عليها دى ناس عايزة توديك فى داهية... الفردة دى تلفت و غير صالحة للاستخدام

اشترى فردة جديدة و ركبها... معتقدش ان تمن الفردة اغلى من حياتك

mmamdouh

---

الف شكر ليك ياغالي انا فعلا خدت قرار انى اركب الاستبن وانا مروح من الدوام كمان شوية ان شاء الله هعدي اغيرة وعلى اخر الشهر هشترى فردة جديدة اركبها مكان اللى باظت ان شاء الله

اقتباس:

---

المشاركة الأصلية كتبت بواسطة tlrsiap

انا مع الرأي انك تشتري فردة جديدة

و عايز اقول لك معلومة بسيطة
مؤخرا واحد قريب المدام و واحد اخو زميلي في الشغل , كل واحد فيهم اتقلبت بيه عربيته بسبب انفجار كاوتش قديم (و ليس معيوب)

---

شكرا ياباشا على النصيحة وان شاء الله هاخد بيها وربنا يكفينا واياكم شر الطريق

اقتباس:

---

المشاركة الأصلية كتبت بواسطة elpasha1

ركب الاستبن لحد ما ربنا يفرجها

---

ان شاءالله ياغالي تسلم على المرور